Në Spitalin e Përgjithshëm "Dr. Sami Haxhibeqiri" në Mitrovicë u realizua me sukses një operacion i rrallë në Repartin e Urologjisë, ku një pacient 54-vjeçar iu hoqën tre gurë të mëdhenj nga sistemi urinar. Gurët ishin të vendosur në fshikëzën urinare, ureter dhe veshkë, me madhësi që arrinin deri në 7.5 centimetra. Operacioni u krye nga një ekip i specializuar urologësh dhe anesteziologësh, duke përfshirë Dr. Skender Hoxhën, Dr. Armir Sejdiun dhe Dr. Fatmir Idrizin, me mbështetjen e stafit teknik. Pas ndërhyrjes, pacienti u lirua në gjendje të mirë shëndetësore, duke shënuar një sukses të rëndësishëm për spitalin dhe trajtimin e rasteve të tilla komplekse.