Në Qendrën Klinike Universitare të Kosovës është kryer me sukses një ndërhyrje kirurgjikale të avancuar për të hequr një plumb që kishte mbetur në mushkëritë e një 28-vjeçari për rreth 10 muaj. Operacioni u realizua në Klinikën e Kirurgjisë Torakale duke përdorur teknikën moderne minimale invazive VATS-Uniportal, e cila lejon një trajtim më të sigurt dhe rikuperim më të shpejtë pa hapje të madhe kirurgjikale. Ekipi mjekësor arriti të largojë trupin e huaj nga lob i poshtëm i mushkërisë së majtë, duke ruajtur funksionin normal të organit dhe shmangur komplikacionet e mundshme. Pacienti ndodhet në gjendje të mirë shëndetësore dhe po vazhdon procesin e rikuperimit, ndërsa kjo ndërhyrje tregon përkushtimin dhe profesionalizmin e stafit mjekësor në QKUK për përdorimin e metodave më të avancuara në trajtimin e pacientëve.