Një operacion policor u zhvillua në Bivolak dhe zonat përreth, ku autoritetet ndërhynë për shkak të dyshimeve për nxjerrje ilegale të thëngjillit. Në aksion u angazhuan gjashtë njësi të Njësisë së Reagimit të Shpejtë, të cilat rrethuan zonën dhe kontrolluan aktivitetin e paligjshëm. Gjatë operacionit u arrestuan gjashtë persona dhe u sekuestruan tre eskavatorë, gjashtë kamioneta dhe një traktor, të cilët dyshohen se janë përdorur për kryerjen e veprave penale. Prokurori i shtetit ishte i pranishëm në vendin e ngjarjes dhe po monitoronte aksionin, ndërsa të arrestuarit do të intervistohen për veprat penale që lidhen me ndotjen dhe shkaktimin e rrezikut të përgjithshëm.