Policia e Vlorës ka kryer tri operacione brenda 24 orëve, duke arrestuar tre persona për vepra të ndryshme penale. Në operacionin “Barriera”, u kap 30-vjeçari M. Q., i cili po transportonte ilegalisht drejt Greqisë pesë persona, mes tyre edhe një shtetas nga Kosova, të cilët kishin pengesa për të lëvizur në zonën Schengen. Në operacionin “Pasagjeri”, u arrestua 26-vjeçari D. M. nga Tirana, pasi iu gjet një armë pa leje gjatë kontrollit të taksisë që drejtonte. Ndërsa në operacionin “Thirrja”, u arrestua 31-vjeçari H. Z., i dyshuar për dhunë dhe vjedhje të një automjeti të kompanisë OShEE, ku gjatë kontrollit iu gjet edhe një thikë. Materialet janë dërguar në prokurori për hetime të mëtejshme.