Policia ka kryer dy operacione të rëndësishme në Vlorë dhe Sarandë, duke arrestuar katër persona dhe duke sekuestruar armë zjarri, lëndë narkotike dhe automjete. Në Vlorë, gjatë operacionit “Siguria”, u arrestua në flagrancë një 30-vjeçar që u kap me pistoletë dhe lëndë narkotike në një parking pranë Lungomares. Ndërsa në Sarandë, pas një hetimi trejavor me metoda speciale, u finalizua operacioni “Transportuesit”, ku u kapën tre persona me 5 kilogramë kanabis që dyshohet se do të shpërndaheshin në zonën e Sarandës dhe Ksamilit. Hetimet vazhdojnë për të dokumentuar plotësisht aktivitetin kriminal dhe për të identifikuar të tjerë të përfshirë në këtë rrjet.