Policia e Krujës finalizoi operacionin e koduar “Baruni”, duke zbuluar një parcelë të kultivuar me bimë të dyshuara narkotike cannabis sativa në lagjen Barun, zonën e quajtur “Skahide”. Gjatë ndërhyrjes, u arrestua në flagrancë E. P., 62 vjeç, banues në Krujë, i dyshuar si kultivuesi i kanabisit. Bimët narkotike u asgjësuan me anë të djegies, ndërsa materialet procedurale iu referuan Prokurorisë për veprime të mëtejshme. Policia njoftoi se kontrollet në territorin e Krujës do të vazhdojnë për të identifikuar dhe goditur raste të tjera të kultivimit të bimëve narkotike.