Policia e Tiranës ka finalizuar operacionin e koduar “Bulevardi”, duke arrestuar një 44-vjeçar, Sokol Kuçi, i cili dyshohet se furnizonte dhe shpërndante kokainë në zona të ndryshme të kryeqytetit. Gjatë kontrollit në rrugën “Riglata” iu sekuestruan 1 kilogram e 680 gramë kokainë, pjesë e një sasie më të madhe të sekuestruar gjatë muajve maj dhe qershor në kuadër të operacionit “Zonat”. Hetimet tregojnë se i arrestuari shpërndante kokainën në doza dhe bashkëpunonte me persona të tjerë për këtë veprimtari kriminale. Policia dhe Prokuroria vijojnë punën për identifikimin dhe kapjen e të tjerëve të përfshirë në rrjetin e trafikut të drogës në Tiranë.