Në Tiranë u finalizua operacioni policor i koduar “Flats”, ku u zbuluan tre apartamente të përdorura për ushtrim prostitucioni nga shtetase të huaja. Gjatë këtij operacioni u arrestuan tre gra, dy kineze dhe një vietnameze, të cilat dyshohen se kishin marrë me qira apartamente për këtë aktivitet të paligjshëm. Përveç tyre, dy shtetas të tjerë u proceduan penalisht për veprën “Prostitucioni”. Në kuadër të hetimeve u sekuestruan edhe dy celularë që përmbanin komunikime lidhur me këtë veprimtari, ndërsa materialet iu referuan Prokurorisë së Tiranës për veprime të mëtejshme.