Një operacion policor i koduar “Game Over” u zhvillua në Divjakë, ku u arrestuan dy persona për organizim të paligjshëm të lojërave të fatit. Pronari i një lokali në fshatin Karavasta e Re, Altin Çoku, 52 vjeç, dhe kamarieri i tij, Edmir Çela, 35 vjeç, u kapën duke zhvilluar lojëra fati përmes kompjuterëve dhe aparateve celularë. Gjatë kontrollit u sekuestruan pesë njësi kompjuterike, një pajisje DVR, një laptop dhe pesë telefona celularë, që dyshohet se shërbenin për aktivitetin e paligjshëm. Policia gjithashtu zbuloi se kamarieri punonte në mënyrë të paligjshme, pa regjistrim pranë institucioneve përkatëse, ndërsa materialet iu referuan Prokurorisë së Fierit për hetime të mëtejshme.