Një operacion i gjerë antidrogë është zhvilluar në Krujë, ku policia shqiptare ka zbuluar dhe asgjësuar me djegie një numër të konsiderueshëm fidanësh dhe bimësh narkotike kanabis. Operacioni është shtrirë në fshatrat e njësisë administrative Cudhi dhe pritet të vazhdojë në zonat e tjera të rrethit Krujë. Gjatë këtij operacioni janë përdorur edhe dronë të cilësisë së lartë për monitorim, ndërsa janë intensifikuar kontrollet në ambiente të mbyllura ku dyshohet kultivim i bimëve narkotike me ndihmën e llambave. Hetimet dhe veprimet për identifikimin dhe kapjen e autorëve vijojnë nën drejtimin e Prokurorisë.