Një operacion i gjerë i Prokurorisë së Kosovës, në bashkëpunim me ATK, Doganën dhe Policinë, ka nisur sot në mëngjes në disa zona të vendit, duke goditur rrjetet e kontrabandës së naftës. Gjatë aksionit janë arrestuar nëntë persona dhe janë sekuestruar para të gatshme, armë, kompjuterë, fatura të dyshuara si fiktive dhe dokumente të tjera që lidhen me aktivitetin kriminal. Hetuesit dyshojnë se nafta importohej nga kompani kosovare dhe kalonte në transit përmes Shqipërisë, ku një pjesë e saj shkarkohej dhe shitej në tregun e zi për të shmangur taksat dhe akcizat. Kjo skemë ka shkaktuar dëme të mëdha buxhetit të shtetit, duke nxitur hetime të mëtejshme për rrjetin e kontrabandës.