Policia e Tiranës ka finalizuar fazën e dytë të operacionit të koduar “Last post”, duke goditur tre raste të prostitucionit të organizuar në apartamente me qira ditore, të reklamuar përmes rrjeteve sociale. Në pranga kanë rënë katër persona, përfshirë tre gra të huaja nga Vietnami dhe Brazili, si dhe një shtetas shqiptar që shfrytëzonte njërën prej tyre për këtë veprimtari të paligjshme. Gjatë operacionit janë sekuestruar katër celularë që dyshohet se përdroheshin për reklamimin e shërbimeve në rrjetet sociale. Materialet procedurale janë referuar Prokurorisë për veprime të mëtejshme, ndërsa një person tjetër po procedohet në gjendje të lirë për përfitime nga kjo veprimtari.