Policia e Tiranës finalizoi operacionin e koduar “Ndalesa” për goditjen e veprimtarive kriminale në fushën e narkotikëve dhe armëmbajtjes pa leje. Gjatë kontrollit në Unazën e Madhe, u kap në flagrancë një 42-vjeçar i identifikuar si Vilson Shima, duke transportuar 10 kg kanabis me qëllim shitjen. Në banesën e tij u sekuestruan gjithashtu 2 pistoleta me silenciatorë dhe municion luftarak. Materialet i janë kaluar Prokurorisë për veprime të mëtejshme, ndërsa operacioni u organizua nga Specialistët për Hetimin e Krimeve të Komisariatit Nr. 4, bazuar në informacionet operative të siguruara më parë.