Pas një hetimi intensiv gjashtëmujor, specialistët e Seksionit për Hetimin e Narkotikëve në bashkëpunim me Prokurorinë e Beratit finalizuan operacionin e koduar “Prova”, duke goditur një grup kriminal që shiste droga të forta në qytet. Tre persona u arrestuan në burg dhe një tjetër u vu në arrest shtëpie, të gjithë banues në lagjen “Çlirim”. Gjatë kontrolleve në banesat e tyre dhe në një automjet, u sekuestruan sasi të konsiderueshme kokaine të ndarë në doza të gatshme për shitje, si dhe telefona celularë dhe automjet. Materialet procedurale janë referuar për veprime të mëtejshme në Prokurorinë e Beratit, ndërsa ndaj të dyshuarve rëndon akuza për “Prodhim dhe shitje të narkotikëve”.