Në Klinikën Universitare për Kirurgji Plastike dhe Rindërtuese në Shkup u realizua një operacion kompleks rekonstruktiv për një pacient të lënduar rëndë nga zjarri tragjik në Koçan. Ky operacion u krye pas konsultimeve të specializuara disa-ditore dhe bashkëpunimit të ngushtë mes ekspertëve rajonalë dhe stafit të Klinikës, duke përcaktuar plane individuale për trajtimin etapë pas etape të pacientëve të prekur. Trajtimi i djegieve të rënda nuk përfundon me shpëtimin e jetës, por vazhdon me një rrugëtim të gjatë rikuperimi, ku qëllimi kryesor është rikthimi i funksionit dhe cilësisë së jetës së pacientëve. Klinika mbetet e përkushtuar në ofrimin e kujdesit bashkëkohor dhe holistik, duke u bazuar në përvojën dhe punën ekipore për të siguruar rezultatet më të mira për pacientët e saj.