Gjykata e Vlorës ka vendosur masën “arrest në burg” për Granit Pepnikën, i arrestuar tre ditë më parë në Dhërmi gjatë një operacioni policor të koduar “Rrjetet”. Ai akuzohet për mashtrim kompjuterik në një skemë që përfshin rreth 50 milionë euro, ndërsa në të njëjtin aksion u arrestuan edhe Redion Rexhmati dhe Xhoni Hitaj, të dyshuar për përkrahje të autorëve dhe mashtrim kompjuterik. Pepnika dhe Hitaj ishin shpallur në kërkim që nga prilli dhe Pepnika kishte masë arresti ndërkombëtar për përfshirje në mashtrime me përfitime të mëdha financiare përmes call center-ave. Gjatë kontrollit në vilën ku qëndronin, policia sekuestroi një armë zjarri dhe lëndë narkotike, ndërsa hetimet vijojnë për të zbuluar të gjithë rrjetin dhe bashkëpunëtorët e mundshëm.