Policia e Kosovës ka arrestuar dy persona në Ferizaj nën dyshimin për posedim të narkotikëve, në kuadër të planit operativ “Stop droga”. Një veturë e dyshuar u ndalua pasi drejtuesi tentoi të largohej pas prezantimit të policisë, dhe gjatë kontrollit u gjetën 10 qese me substancë të dyshuar marihuanë, si dhe një sasi e madhe e ndarë në qeska të vogla. Kontrolli u shtri edhe në një lokal dhe një veturë tjetër, ku u sekuestruan gjithashtu telefona, peshore, para të gatshme dhe mjete për përpunimin e drogës. Të dy të dyshuarit janë intervistuar me autorizim të prokurorit dhe janë ndaluar për 48 orë, ndërsa rasti vazhdon të hetohet për veprat penale lidhur me blerjen, posedimin dhe shpërndarjen e paautorizuar të narkotikëve.