Policia e Tiranës finalizoi operacionin e koduar “Vendtakimi”, duke zbuluar një lokal në bulevardin “Zhan d’Ark” të përshtatur për organizimin e lojërave të fatit dhe përdorimin e lëndëve narkotike. Gjatë aksionit u arrestuan dy persona, pronari i lokalit, 56 vjeçari Z. T., dhe një 33-vjeçar që u kap në flagrancë duke vendosur baste sportive me telefonin celular. Në ambientet e lokalit u sekuestruan sasi të dyshuara të Cannabis Sativa dhe tre telefona celularë që përdorej për aktivitetin e paligjshëm. Materialet procedurale i janë dorëzuar Prokurorisë së Tiranës, e cila do të vazhdojë hetimet për të zbuluar plotësisht rrjetin dhe personat e përfshirë në këtë veprimtari kriminale.