Në Sarandë u finalizua operacioni policor i koduar “Vjeshta”, i cili pas një hetimi dy mujor goditi një rrjet kriminal në fushën e narkotikëve dhe armëmbajtjes pa leje. Gjatë këtij operacioni u arrestuan 20 persona, ndërsa u sekuestruan armë zjarri, lëndë narkotike kokainë dhe kanabis, automjete dhe aparate celulare. Hetimet zbuluan se veprimtaria kriminale zhvillohej në zona të ndryshme të Sarandës, përfshirë plazhet, lokalet e natës dhe afër shkollave. Operacioni u realizua në bashkëpunim me disa njësitë policore dhe nën drejtimin e Prokurorisë Sarandë, ndërsa hetimet vazhdojnë për identifikimin e personave të tjerë të përfshirë dhe dokumentimin e plotë të aktivitetit kriminal.