Policia e Tiranës ka finalizuar operacionin e koduar “Zonat”, duke arrestuar në flagrancë Ksainel Cakën, 37 vjeç, i cili dyshohet se furnizonte shpërndarësit e drogës me kokainë në zona të ndryshme të kryeqytetit. Gjatë kontrollit fizik, policia i sekuestruar mbi 200 gramë kokainë, e cila është marrë si provë materiale. Hetimet paraprake tregojnë se i arrestuari ishte pjesë e një aktiviteti të vazhdueshëm kriminal të shpërndarjes së drogës në Tiranë, ndërsa operacioni vijon për kapjen e personave të tjerë të përfshirë në këtë rrjet. Materialet procedurale janë referuar në Prokurori për veprime të mëtejshme, ndërsa policia thekson se veprimet për goditjen e trafikut të narkotikëve në kryeqytet do të vazhdojnë.