Një operacion i koordinuar policor në Athinë ka çuar në arrestimin e 13 personave, përfshirë 11 shqiptarë, të dyshuar për vjedhje dhe falsifikim të automjeteve. Organizata kriminale, e cila vepronte që nga marsi i vitit 2023, vidhnin makina në zona të ndryshme të Athinës, më pas falsifikonin dokumentacionin dhe numrat e shasisë për t’i shitur ato si të ligjshme. Gjatë hetimeve u zbuluan edhe raste të mashtrimit të sigurimeve për përfitime financiare të paligjshme, ndërsa u sekuestruan 36 automjete dhe pajisje të specializuara për manipulimin e makinave. Hetimet vazhdojnë për të zbuluar të gjithë aktivitetin kriminal dhe për të ndaluar këtë rrjet kriminal që ka shkaktuar dëme të mëdha financiare.