Sot para Ministrisë së Shëndetësisë u organizua një protestë simbolike nga pacientët onkologjikë, të cilët kërkojnë zgjidhje për mungesën e vazhdueshme të terapisë në Klinikën e Onkologjisë. Shoqata “Hema-Onko” denoncon vonesat dhe mungesën e barnave, duke përfshirë terapi biologjike, citostatikë dhe barna nga lista pozitive, që shkaktojnë pasiguri dhe stres tek pacientët. Drejtori i Klinikës, Igor Stojkovski, tha se shumica e barnave tashmë kanë mbërritur dhe pjesa tjetër pritet të sigurohet gjatë kësaj jave, duke sqaruar se vonesat lidhen me rritjen e numrit të pacientëve dhe konsumit. Ai theksoi gjithashtu se trajtimi i pacientëve nuk është vënë në rrezik, megjithatë situata mbetet shqetësuese për të prekurit.