Sipas raportit të Zyrës Kombëtare të Auditimit për vitin 2025, disa ministri të Kosovës vazhdojnë të paguajnë punonjës të komunitetit serb që nuk shkojnë asnjëherë në vendin e punës. Ministria e Mjedisit, Planifikimit Hapësinor dhe Infrastrukturës ka shpenzuar rreth gjysmë milioni euro për 61 punonjës të tillë, të sistemuar në bazë të një vendimi qeveritar të vitit 2015 për integrimin e tyre në institucionet shtetërore. Raporti evidenton mungesë të evidencës për vijueshmërinë e këtyre punonjësve dhe thekson se ata nuk ushtrojnë aktivitet në institucion, ndërsa rekomandimet për zgjidhje nuk janë zbatuar ende.