Pesë turistë suedezë u vunë në rrezik të mbytjes në detin e Ksamilit, pasi mjeti lundrues tip pedalon me të cilin po udhëtonin pësoi defekt dhe mbeti në vështirësi. Policia Kufitare dhe Njësia Policore Detare, gjatë patrullimit në zonën detare, vërejtën situatën dhe ndërhynë menjëherë për të shpëtuar turistët. Ata tërhoqën pedalonin drejt bregut dhe nxorën në mënyrë të sigurt personat, të cilët falë ndërhyrjes së shpejtë ndodhen në gjendje të mirë shëndetësore. Pas shpëtimit, turistët shprehën falënderimet e tyre për punonjësit e policisë, ndërsa autoritetet vijojnë patrullimet intensive për të garantuar sigurinë në zonat turistike detare.