Prokuroria Themelore Publike për Ndjekjen e Krimit të Organizuar ka kërkuar tetë muaj paraburgim dhe masa paraprake për katër persona, përfshirë ish-kryetarin e Federatës së Futbollit të Maqedonisë, Ilço Gjorgjioski, në lidhje me një rast mashtrimi financiar në FFM. Personat e përfshirë aktualisht po merren në pyetje në Gjykatën Penale, ku do të vendoset për masat e mëtejshme. Ndërkohë, për pesë të dyshuar të tjerë nuk janë propozuar masa, pasi ata nuk janë gjetur në adresat e tyre të banimit, megjithëse nuk konsiderohen në arrati. Hetimet vazhdojnë ndërsa gjykata pritet të marrë vendimin final mbi kërkesën e Prokurorisë.