Gjykata Speciale në Hagë ka vendosur të vazhdojë masën e paraburgimit ndaj ish-presidentit të Kosovës, Hashim Thaçi, deri më 20 korrik. Ky vendim u mor më 10 qershor dhe u bë i njohur pak ditë më vonë, ndërsa mbrojtja nuk ka paraqitur asnjë kundërshtim ndaj tij. ZPS-ja argumenton se Thaçi mund të arratiset, duke qenë në dijeni të akuzave që rëndojnë mbi të, dhe përmend përpjekjet e tij për të ndikuar në procedura. Gjyqtari Smith gjithashtu rikujtoi se afati për shpalljen e aktgjykimit është shtyrë deri në fund të korrikut, ndërsa Thaçi është në paraburgim që nga arrestimi në nëntor të vitit 2020.