Në Qendrën e Paraburgimit në Mitrovicë u pengua sot një tentativë për futjen e kontrabandës, ku u gjetën pesë telefona mobilë të fshehur në tri pako brenda perimetrit të institucionit. Kontrabanda dyshohet të jetë hedhur nga jashtë dhe ra në hapësirën e brendshme të qendrës, ku zyrtarët korrektues ndërmorrën menjëherë kontroll të detajuar dhe siguruan zonën. Pakot me telefonat u konfiskuan dhe dokumentuan sipas procedurave ligjore, ndërsa Policia e Kosovës u njoftua për hetime të mëtejshme. Shërbimi Korrektues i Kosovës theksoi angazhimin e tij për forcimin e masave të sigurisë dhe parandalimin e futjes së sendeve të ndaluara në institucionet korrektuese.