Sot në Qendrën e Paraburgimit në Prishtinë është parandaluar një tentativë për futjen e një telefoni mobil gjatë një vizite familjare. Vizita është ndërprerë menjëherë dhe për rastin është njoftuar Policia e Kosovës. Shërbimi Korrektues i Kosovës ka theksuar përkushtimin e tij në parandalimin e çdo veprimtarie të kundërligjshme brenda institucioneve korrektuese. Ata gjithashtu garantuan sigurinë në të gjitha qendrat korrektuese në vend.