Në shtator të vitit të kaluar, Fatmir Sheholli dyshohet se i ka dorëzuar gazetarit Milaim Zeka një shumë prej 1,000 eurosh në këmbim të publikimit të një materiali të përgatitur nga shërbimi inteligjent serb BIA. Prokuroria Speciale ka siguruar përmes masave të fshehta një audio-incizim të takimit mes tyre në parkingun e një restoranti në Prishtinë, ku Sheholli i dorëzon Zekës edhe një “fasikull me ngjyrë të kaltër” që përmban materialet për publikim. Sipas Prokurorisë, ky material përmbante incizime që synonin të ushtronin presion ndaj ministrit Nenad Rashiq dhe zyrtarëve të Ministrisë për Komunitete dhe Kthim, duke ndikuar në zgjedhjet lokale në Kosovë. Gazetari Zeka ka pranuar në dëshmi se ka marrë 2,000 euro për publikimin, të cilat sipas Shehollit ishin ndarë nga GIZ-i gjerman, ndërsa Sheholli akuzohet për spiunazh dhe shantazh në favor të BIA-s serbe.