Anela Osmani është marrë e pandehur nga Prokuroria e Tiranës për veprën penale të “Mashtrimit”, pas kallëzimit të bërë nga Kejvina Kthjella për një shumë prej 8 mijë eurosh që Osmani dyshohet se nuk ia ka kthyer. Paratë, që ishin kursime të Kthjellës nga të ardhurat e saj, i ishin dhënë Osmanit për ruajtje përkohësisht, pasi Kthjella kishte vendosur t’i largonte ato nga banesa për shkak të ardhjes së një punonjëse pastrimi. Gjatë hetimeve, Osmani ka deklaruar se paratë i kishte vendosur në një kasafortë, por nuk mund ta hapte pasi kishte harruar kodin, një shpjegim që nuk e ka bindur prokurorinë për të shmangur akuzën. Dosja është dërguar në gjykatë, ku do të vendoset për përgjegjësinë penale të Osmanit, ndërsa ajo mban detyrën e kryeinspektores në një institucion shëndetësor.