Pas 34 vjetësh, në akullnajën Trift në kantonin Valais të Zvicrës janë gjetur mbetjet mortore të dy alpinistëve të zhdukur që nga viti 1992. Zbulimi u bë nga një alpinist lokal gjatë një ngjitjeje, ndërsa policia dhe shërbimi ajror Air Zermatt organizuan një operacion për të rikuperuar trupat dhe pajisjet e tyre. Analizat e ADN-së konfirmuan identitetin e dy burrave, të cilët ishin nisur për të ngjitur majën Weissmies, por nuk arritën destinacionin për shkak të kushteve të vështira atmosferike. Ky rast është një shembull i ndikimit të ngrohjes globale, që po shkrijë akullnajat dhe po nxjerr në sipërfaqe mbetje të personave të zhdukur në Alpe dekada më parë, duke ndihmuar në zgjidhjen e mistereve të vjetra.