Në Gjykatën Themelore në Prishtinë ka nisur shqyrtimi gjyqësor ndaj grupit të njohur si ai i Demë Elshanit, i akuzuar për organizim dhe pjesëmarrje në grup kriminal të lidhur me një plan për vrasje. Prokuroria Speciale ka ngritur aktakuzë për përgatitje të vrasjes së Shkodran Hysenit, ku Ardian Gashi dyshohet se ishte angazhuar për kryerjen e saj kundrejt pagesës prej 30 mijë eurosh, ndërsa armë automatike ishte dorëzuar për realizimin e sulmit. Megjithatë, vrasja nuk u realizua për shkak të ndërhyrjes së Policisë së Kosovës dhe arrestimit të të pandehurve.