Mbrëmjen e 13 korrikut në rrugën “Mbreti Piro” në Pejë, një 46-vjeçar u plagos rëndë me pesë plumba në gjoks dhe këmbën e majtë. Pas sulmit, autori u largua me një Volkswagen Tiguan, ndërsa viktima u dërgua fillimisht në Spitalin Rajonal të Pejës dhe më pas në Qendrën Klinike Universitare të Kosovës, ku gjendja e tij raportohet stabile. Pas kërkimeve intensive dhe bastisjes së shtëpisë së të dyshuarit, 29-vjeçari Butrint Krasniqi u vetëdorëzua në polici, ku gjatë intervistimit përdori të drejtën për t’u mbrojtur në heshtje. Policia sekuestruar dy armë, katër karikatorë dhe mbi 120 fishekë, ndërsa hetimet për zbardhjen e motivit dhe rrethanave të ngjarjes vazhdojnë nën kujdesin e Prokurorisë së Krimeve të Rënda dhe Sektorit Rajonal të Hetimeve në Pejë.