Pas vrasjes së një gruaje 25-vjeçare shtatzënë në fshatin Kërvasari të Malishevës, ministrja e Drejtësisë në detyrë dhe Koordinatorja Kombëtare kundër Dhunës, Donika Gërvalla, ka mbajtur një takim me përfaqësues të Policisë, Prokurorisë, Gjykatës dhe Qendrës për Punë Sociale. Qëllimi i takimit ishte shqyrtimi i funksionimit të mekanizmave institucionalë dhe ndërmarrja e masave për parandalimin e rasteve të dhunës në familje dhe ndaj grave. Gërvalla theksoi nevojën për bashkëpunim të plotë mes institucioneve dhe zero tolerancë ndaj dhunës, duke kërkuar hetim të plotë të rastit dhe përcaktim të përgjegjësisë ligjore. Sipas informacioneve, bashkëshorti i viktimës është i dyshuari kryesor, ndërsa viktima nuk kishte sinjale paraprake që të paralajmëronin rrezikun e dhunës.