Vrasja e imamit të fshatit Zlipotok në Dragash ka shkaktuar reagime të ashpra në rrjetet sociale, ku disa përdorues kanë shpërthyer me komente fyese dhe nxitje të urrejtjes. Profesori i gazetarisë Festim Rizanaj thekson se raportimet e nxituara dhe spekulimet kanë krijuar hapësirë për keqinterpretim dhe normalizim të gjuhës së urrejtjes në sferën digjitale. Avokati Asdren Bytyqi vëren se këto komente përmbajnë elemente të islamofobisë dhe lidhen me tensione politike dhe fetare që po mobilizojnë forca të caktuara në shoqëri. Ngjarja tragjike dyshohet të ketë ardhur si pasojë e një mosmarrëveshjeje për një are, ndërsa për rastin janë arrestuar B.H dhe babai i tij.