Aksioni për pastrimin e Prishtinës ka hyrë në një fazë intensive, ku ekipet komunale janë angazhuar pa ndërprerje, duke punuar edhe gjatë orëve të natës për largimin e mbeturinave vëllimore. Drejtori i Shërbimeve Publike, Leutrim Retkoceri, ka falënderuar punëtorët për përkushtimin dhe angazhimin e tyre të vazhdueshëm në përmirësimin e shërbimeve publike në kryeqytet. Ky aksion ka nisur për të përmirësuar pamjen urbane të qytetit, që prej kohësh është rënduar nga mbeturinat e mëdha. Pritet që puna të vazhdojë deri në pastrimin e plotë të të gjitha pikave problematike në Prishtinë.