Në qytetin e Vlorës është regjistruar një ngjarje e rëndë ku dy persona rreth moshës 30 vjeç kanë marrë peng një shtetas tjetër, duke ushtruar ndaj tij edhe dhunë fizike. Shkak i kësaj pengmarrjeje dyshohet të jetë një shumë parash e marrë borxh nga personi i marrë peng. Policia e Vlorës ka ndërhyrë dhe ka arrestuar dy të dyshuarit, të cilët po merren në pyetje për zbardhjen e plotë të rrethanave të ngjarjes. Hetimet vijojnë për të sqaruar të gjitha detajet dhe motivet e ngjarjes.