Prokuroria në Utah ka kërkuar nisjen e gjykimit ndaj Tyler Robinson, 23-vjeçarit të akuzuar për vrasjen e Charlie Kirk, aktivistit konservator dhe themeluesit të organizatës rinore Turning Point USA. Vrasja ndodhi më 10 shtator 2025 në kampusin e Universitetit Utah Valley në Orem, ku Kirk po mbante një fjalim dhe ishte një figurë e njohur në mobilizimin e votuesve të rinj në mbështetje të Donald Trump. Gjatë seancës paraprake, prokurorët paraqitën prova për të bindur gjykatësin se ekzistojnë bazat ligjore për të vazhduar me procesin gjyqësor, ndërsa familja e viktimës u përball ballë për ballë me të dyshuarin. Robinson përballet me shtatë akuza, përfshirë vrasjen e rëndë, dhe prokurorët kërkojnë dënimin me vdekje; ai ende nuk është deklaruar fajtor dhe pritet të dalë para gjykatës së Qarkut në Provo.