Avokati i Bekim Metës, veteran i luftës së UÇK-së, ka paraqitur kundërshtimet dhe argumentet juridike ndaj kërkesës së Prokurorisë Themelore në Prishtinë për caktimin e masës së paraburgimit ndaj klientit të tij. Mbrojtja shpreson që gjykata të mos caktojë paraburgim dhe që Meta të vazhdojë mbrojtjen në liri. Ngjarja që çoi në këtë kërkesë ndodhi tri ditë më parë në fshatin Magure të Lipjanit, ku një grup personash të komunitetit rom dyshohet se sulmuan Skender Shahinin dhe veteranin Bekim Meta, i cili kishte ndërhyrë për të ndarë palët. Përballja gjyqësore po zhvillohet në Gjykatën Themelore në Lipjan, ku para saj protestojnë veteranë dhe qytetarë në mbështetje të Metës, duke kërkuar trajtim të drejtë dhe duke vlerësuar pafajësinë e tij.