Kryeprokurori i Prokurorisë Speciale të Kosovës, Blerim Isufaj, prezantoi raportin e punës për vitin 2025 në Këshillin Prokurorial të Kosovës, duke theksuar rritjen e numrit të rasteve të trajtuara dhe efikasitetin në departamente të ndryshme. Gjatë vitit 2025, Prokuroria Speciale ka pasur 22 prokurorë aktivë dhe ka trajtuar gjithsej 256 raste, një rritje e ndjeshme krahasuar me vitet e mëparshme. Në fushën e krimeve të luftës, janë shpallur fajtorë 11 persona, ndërsa për krim të organizuar efikasiteti ka qenë 100% me 14 raste të zgjidhura. Departamenti për korrupsion dhe krim financiar ka trajtuar më shumë raste, megjithatë efikasiteti i tij ishte 77%, ndërsa departamenti për terrorizëm arriti një efikasitet prej 92%.