Avokati Kujtim Cakrani ka njoftuar për përfundimin e marrëdhënies së tij profesionale me ish-Presidentin Ilir Meta, duke theksuar se shkëputja erdhi për shkak të humbjes së mirëbesimit dhe mungesës së bashkëpunimit gjatë procesit gjyqësor. Studio Ligjore “Cakrani” ka sqaruar se vendimi është marrë në përputhje me normat e etikës profesionale dhe nuk ka asnjë konflikt interesi apo akuza reciproke mes palëve. Bashkëpunimi kishte nisur më 24 maj 2025 dhe u zhvillua në kuadër të mbrojtjes ligjore në Gjykatën e Posaçme kundër Korrupsionit dhe Krimit të Organizuar. Avokati Cakrani ka garantuar ruajtjen e konfidencialitetit dhe ka uruar Ilir Metën për gjetjen e përfaqësimit ligjor të duhur në vijim.