Një përleshje fizike mes disa personave në qytetin e Vitisë ka nxitur reagimin e Policisë së Kosovës, e cila ka nisur hetimet pas publikimit të pamjeve në rrjetet sociale. Zëdhënësi i Policisë për rajonin e Gjilanit, Valon Osmani, ka bërë të ditur se ngjarja nuk ishte raportuar më parë, por menjëherë pas shpërndarjes së videos, hetuesit kanë ndërmarrë veprime në koordinim me Prokurorinë për të zbardhur rrethanat dhe për të identifikuar të përfshirët.