Në orët e para të mëngjesit të 25 korrikut, një përleshje masive shpërtheu në diskotekën “Hangover” në Gjakovë pas një mosmarrëveshjeje verbale mes disa personave. Katër persona u përfshinë në konflikt, ku dy prej tyre, S.J. 16 vjeçar dhe B.J. 23 vjeçar, u lënduan dhe morën trajtim mjekësor për dëmtime të lehta trupore. Policia, me urdhër të Prokurorit Kujdestar, kreu bastisje në shtëpinë dhe automjetin e një prej të dyshuarve, Valon Shala, ku u sekuestrua një pistoletë “Stoeger” me karikator dhe 15 fishekë të kalibrit 9×19 mm.