Mbrëmjen e 11 prillit 2026 në rrugën “Vëllezërit Gërvalla” në Ferizaj ka ndodhur një përleshje fizike mes dy personave, gjatë së cilës janë dëgjuar edhe të shtëna me armë zjarri. Policia ka reaguar menjëherë dhe ka konstatuar se një person ka pësuar lëndime trupore nga përleshja, por jo nga arma e zjarrit. Në vendin e ngjarjes janë sekuestruar një armë zjarri dhe tri gëzhoja, ndërsa një person është shoqëruar në stacion policor, kurse i dyshuari tjetër është identifikuar dhe është në kërkim. Njësitë policore, përfshirë hetuesit dhe forenzikën, janë angazhuar në terren për zbardhjen e plotë të ngjarjes dhe hetimet vazhdojnë.