Më 31 gusht rreth orës 22:00 në Çair të Shkupit ndodhi një përleshje e dhunshme me thika mes disa të rinjve, ku tre persona u plagosën rëndë. Policia arrestoi një 19-vjeçar dhe një 13-vjeçar, të dy nga Shkupi, të cilët dyshohen për shkaktimin e plagëve shpuese gjatë konfliktit. Gjatë ngjarjes, dy nga të përfshirët pësuan lëndime të rënda trupore, ndërsa një i tretë mori lëndime më të lehta. Forcat e rendit sekuestruan tri thika, një shkop gome dhe sende të tjera, ndërsa pas përfundimit të hetimeve, rasti do të kalojë në Prokurorinë Themelore Publike të Shkupit për procedim të mëtejshëm.