Një përleshje mes dy të miturve në Saraj të Shkupit ka përfunduar me pasoja të rënda, ku një 16-vjeçar është privuar nga liria pasi dyshohet se ka sulmuar me një send të mprehtë një 14-vjeçar, duke i shkaktuar lëndime të rënda trupore. Ngjarja ndodhi më 11 korrik rreth orës 15:00, fillimisht si një përleshje fizike para një objekti hotelierik, dhe më pas u përsërit pranë një objekti tregtar. Gjatë sulmit, edhe 14-vjeçari ka kundërpërgjigjur duke shkaktuar lëndime me një send të fortë, duke e bërë situatën edhe më të ndërlikuar. Policia ka ndaluar 16-vjeçarin në orët e para të ditës së sotme dhe ka zhvilluar biseda zyrtare në prani të prindit dhe avokatit, ndërsa pritet kallëzim penal ndaj tij pas përfundimit të dokumentimit të rastit.