Në një lokal në plazhin e Golemit, dy punonjës të Diamma Resort janë arrestuar dhe dy të tjerë janë proceduar penalisht për dhunimin e pesë turistëve turq. Konflikti ka ndodhur për motive të dobëta, ku menaxheri dhe një punonjës i resortit kanë përdorur sende të forta për të sulmuar dy prej pushuesve, duke i plagosur rëndë. Të dy të arrestuarit do të përballen me akuza për “Plagosje të rëndë me dashje” dhe “Prishje të qetësisë publike”, ndërsa banakieri dhe roja e sigurisë janë proceduar për “Plagosje të lehtë” dhe “Kanosje”. Policia e Durrësit ka ndërhyrë shpejt në vendngjarje dhe ka referuar materialet në Prokurorinë e Durrësit për veprime të mëtejshme.