Një rrahje e ndodhur në orët e para të së enjtes në rrugën “Gjilanit” në Prishtinë ka përfunduar me tre persona të lënduar dhe katër të arrestuar. Mes viktimave, njëri ka pësuar lëndime të rënda trupore dhe ka marrë ndihmë mjekësore të specializuar. Policia ka arrestuar dy shtetas të Kosovës dhe dy të Gjermanisë, të cilët pas intervistimit janë dërguar në mbajtje për 48 orë me vendim të prokurorit. Rasti vazhdon të hetohet nga organet kompetente për zbardhjen e plotë të ngjarjes dhe motivet e përfshirjes së personave.