Një përleshje mes katër personave ka ndodhur të premten në Pejë, në rrugën “Mehmet Ibraj”, rreth orës 16:29. Si pasojë e konfliktit fizik, tre nga të dyshuarit kanë pësuar lëndime të lehta trupore dhe kanë marrë trajtim mjekësor. Policia ka arrestuar të gjithë katër personat e përfshirë, ndërsa me vendim të prokurorit, tre prej tyre janë dërguar në mbajtje, kurse i katërti është liruar në procedurë të rregullt. Rasti vazhdon të hetohet nga autoritetet për të sqaruar shkaqet dhe zhvillimet e mëtejshme.