Në Fushë Kosovë ka ndodhur një përleshje fizike mes dy personave që përfundoi me të shtëna me armë zjarri. Ngjarja ka ndodhur të enjten pasdite, rreth orës 16:25, ku i dyshuari ka qëlluar në drejtim të viktimës pas një mosmarrëveshjeje. Të dy personat kanë pësuar lëndime; i dyshuari është trajtuar mjekësisht dhe më pas është liruar, ndërsa viktima mbetet në spital për trajtim të mëtejshëm. Policia ka arrestuar të dyshuarin dhe ka konfiskuar armën e zjarrit, karikatorin, fishekët dhe gëzhojat e armës, ndërsa me vendim të prokurorit i dyshuari është dërguar në mbajtje.